Monday, January 10, 2011

ලිං පතුලට ගිය අම්මා....

අව් කටෝරෙට පොලොව ගිණිගත්
නියං උහුලන් උන්නාම නුඹ
මමයි ඇඩුවේ දිය පිපාසෙන්
මයේ අම්මේ නුඹට මතකද..........

කේඩෑරි වැව් මණ්ඩියේ වත්
දිය පොදක් නැති කල පිපාසෙට
ගම්දොරට වැද දියත්තක් අහුලන්න
හිතුනේ මටයි කරුමෙට........

දිය සිදී පතුලටම වේලුණු
ලිං කටින් පය වැරදිලා ගිය
මයේ අම්මේ හාමතේ නුඹ
වින්ද දහ දුක නැගෙයි සිහියට............

කිරි ගගක් ගැලුවත් පිපාසෙට
තනිකමක් දැනුනා අදත් මට
උන්න නම් අම්මේ අදත් නුඹ
ඉන්න තිබුණා උණුහුමට මට..........

දිය සිදුණු ලිං කටින් ලිස්සා....මටත් එන්නට හිතෙයි නුඹ වෙත........

1 comment:

  1. විසිතුරුයි...ප්‍රියන් කරයි... ෙහාදයි. ඉදිරියට යන්න...

    ReplyDelete